ເປັນຄວາມພະຍາຍາມຂອງຫນຸ່ມເຢັຍລະມັນ ທີ່ຢາກທົດສອບຄວາມຕ້ອງການຕ່ຳສຸດ ທີ່ສາມາດຕິດຕັ້ງ ແລະໃຊ້ງານ (ຫລືຢ່າງນ້ອຍກໍ່ພໍເຫນັງເມ້າສ໌ ) Windows XP ໄດ້

ລາວລອງເຮັດ 4 ແບບ

1. ທຳອິດໃຊ້ Socket 5, Pentium 100 MHz 64 RAM ຕິດຕັ້ງ ແລ້ວ downgrade ລົງເປັນ Pentium 75 MHz 24 RAM ກໍ່ຍັງໃຊ້ໄດ້ຢູ່
2. ຕໍ່ມາໃຊ້ Socket 3, Pentium Overdrive 83 MHz 64 RAM ແລ້ວ downgrade ລົງເປັນ Pentium 63 MHz 18 MB RAM ກໍ່ຍັງຄານໄດ້ອີກ - -”
3. ຄັ້ງທີ່ສາມ ຫລິ້ນ Socket 4, Pentium 60 MHz 64 RAM ຈາກນັ້ນ downgrade ລົງມາເປັນ Pentium 20 MHz 32 MB RAM ປະສົບກັບບັນຫານາ ໆ ປະການ ແຕ່ກໍ່ຍັງຜ່ານໄປໄດ້
4. ແບບສຸດທ້າຍ ທົດລອງປັບໃຫ້ຕ່ຳສຸດ ໄດ້ເປັນ Socket 3, Pentium Overdrive 8 MHz & 20 RAM ຍັງຜ່ານອີກ = =” ແຕ່ CPU ຢູ່ທີ່ເພດານຕະຫລອດເວລາ

ອີຕານີ້ຊ່າງມີຄົນອົດທົນໃນການລໍຄອຍອີຫລີ

ທີ່ມາ - WinHistory.de [via Slashdot]

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

ຂ່າວຫນ້າເສົ້າໃຈ Frank Burd ຄູໄວ 60 ປີ ຖືກນັກຮຽນ ທຳຮ້າຍຮ່າງກາຍ ເຫດມາຈາກການ ໄປຢືດເອົາເຄື່ອງຫລິ້ນເພງ iPod ຈາກເດັກນັກຮຽນໄວພຽງ 14 ປີ ທີ່ໃຊ້ iPod ຂະນະກຳລັງຮຽນຢູ່ໃນຫ້ອງຮຽນ ສ້າງຄວາມເດືອດດານໃຫ້ປະທຸຂຶ້ນໃນໃຈ ເລີຍຊັກຊວນຫມູ່ອີກຄົນມາຮ່ວມທີມ ຫາໂອກາດ ຍູ້ອາຈານໄປຊົນລັອກເກີ ເປັນເຫດໃຫ້ໄດ້ຮັບບາດເຈັບ

ນັກຮຽນທັງສອງຄົນ ຖືກຈັບໃນເວລາຕໍ່ມາ  ແລະຖືກລົງໂທດຕາມກົດຫມາຍສຳຫລັບຜູ້ໃຫຍ່ ສ່ວນຄູຄົນດັ່ງກ່າວ ຕອນນີ້ອາການຊົງຕົວດີຂຶ້ນແລ້ວ

ທີ່ມາ - Engadget

ອາ… ຄົນຫນໍ…

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

໑. GameRunner

ຫລິ້ນໄປພ້ອມ ອອກກຳລັງກາຍໄປພ້ອມ

(more…)

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

Frank Miller ແລະ Robert Rodriguez ຈະກັບມາຮ່ວມງານກັນອີກຄັ້ງໃນ Sin City 2 ໃນຖານະຜູ້ກຳກັບຮ່ວມ ໂດຍທາງ Frank Miller ໄດ້ໃຫ້ຂໍ້ມູນວ່າບົດສຄຣິບທ໌ຂອງພາກໃຫມ່ນັ້ນ ສຳເລັດໄປຫລາຍສ່ວນແລ້ວ ແລະຈະມີກຳຫນົດເປີດກ້ອງ ໃນປາຍລະດູໃບໄມປົ່ງ

ໃນ Sin City 2 ຈະມີເນື້ອເລື່ອງຕໍ່ຈາກພາກທີ່ແລ້ວ ແລະແບ່ງເປັນສາມຕອນເຊັ່ນພາກທຳອິດ ໂດຍສອງຕອນເປັນຕອນເກົ່າຈາກໃນຫນັງສື ຄື Blue Eyes ແລະ Old Town Girls ເຊິ່ງຖືກຂຽນຂຶ້ນໃຫມ່. ສຳຫລັບນັກສະແດງນັ້ນ ໃນພາກນີ້ມີ Jessica Alba ມາຮັບບົດເປັນ Nancy Callahan –ຕົວລະຄອນໃນພາກໃຫມ່

ທີ່ມາ - WorstPreview [via Digg]

ຈື່ໄດ້ວ່າ ພາກທຳອິດກວ່າຊິເຂົ້າໂຮງບ້ານເຮົາ ກໍ່ຫລັງຈາກທີ່ມັນອອກໄດ້ເກືອບສາມເດືອນ LOL

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

- 921 hexagonal black-anodized aluminum tube extrusions
- 921 chrome-plated plastic balls
- 819 motors
- control electronics
- video camera
- computer

ອອກມາເປັນຜົນງານຕາມພາບ  :shock:

ທີ່ມາ - Core77 [via Shiny Shiny]

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

ຄັນຮົ່ມສຳຫລັບຄົນມັກຫນັງ Star War ໂດຍສະເພາະ ຜະລິດອອກມາມີສີແດງ, ສີຟ້າເຂັ້ມ ແລະສີດຳ ລາຄາ $41 ຕໍ່ອັນ ໃຊ້ແລ້ວມີຄວາມເທ່ຢ່າບອກໃຜ

ເຂົ້າໃຈວ່າ ຫນ້າຈະເປັນສິນຄ້າຈາກ ແດນໂສມ ມີສອງຂະຫນາດ ຄື 69.3cm ກັບແບບຍາວ 84.4cm ແລະດ້າມຂອງຄັນຮົ່ມ ສາມາດ ຖອດອອກມາໃຊ້ງານ ເປັນໄຟສາຍສ່ອງທາງ ໃນຍາມກາງຄືນໄດ້ o.O!

ລາຍລະອຽດເພິ່ມເຕີມກ່ຽວກັບສິນຄ້ານີ້ ສາມາດເບິ່ງໄດ້ຈາກລິງຄ໌

ທີ່ມາ - funshop.co.kr [via Shiny Shiny]

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

ແນະນຳເວັບໃຫມ່ຂອງຄົນລາວ (ດົນໆ ມີອອກມາເທື່ອຫນຶ່ງ ຊຶ້ງ Y_Y) www.LaoSportFC.com ເວັບໄຊທ໌ ທີ່ນຳສະເຫນີຂ່າວສານກິລາໃນພາສາລາວ ເຖິງວ່າ ຕອນນີ້ຈະຍັງບໍ່ສົມບູນ ແຕ່ຄາດວ່າ ອະນາຄົດ ຫນ້າຈະໄປໄດ້ດີ

ເນື້ອຫາສ່ວນໃຫຍ່ ຈະນຳມາຈາກຫນັງສືພິມ ຈະເປັນການລາຍງານຂ່າວກິລາ ທັງໃນ ແລະນອກ ແຕ່ວ່າ ຍັງບໍ່ມີລະບົບສະແດງຄວາມຄິດເຫັນເທື່ອ ຫວັງວ່າຕໍ່ໄປຄົງຈະມີ

ສາ….ທຸ! ຂໍໃຫ້ຢູ່ທົນ

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »

ໂປຣແກຣມສຳຫລັບແປງໄຟລ໌ວີດິໂອທົ່ວໆໄປໃນເຄື່ອງ ໃຫ້ເປັນໄຟລ໌ວີດິໂອສຳຫລັບເຄື່ອງຫລິ້ນເພງ iPod ມີຄວາມພິເສດຢູ່ບ່ອນວ່າ ເປັນຟຣີແວຣ໌ –ສາມາດໃຊ້ງານໄດ້ໂດຍບໍ່ເສັຍຄ່າໃຊ້ຈ່າຍ ຕົວໂປຣແກຣມ ຮອງຮັບໄຟລ໌ວີດິໂອໄດ້ຫລາຍປະເພດ ແຕ່ຂຽນໃນເວັບມີສອງອັນຄື AVI ແລະ MPEG ມີຂະຫນາດພຽງ 6.6MB

• ດາວໂຫລດ
• ເວັບໄຊທ໌ຜູ້ພັດທະນາ

ທີ່ມາ - Videora.com [via Neowin.net]

ຂຽນໂດຍ au8ust | ຍັງບໍ່ມີຜູ້ສະແດງຄວາມຄິດເຫັນ »