7 ວິທີໃນການຕິດຕາມ Internet’s Trends

ມື້ນີ້ໄປອ່ານ lifehack ມາ ກ່ຽວກັບວິທີຄົ້ນຫາ Trends ຫລືຄວາມນິຍົມໃນອິນເຕີເນັດ ລອງຈິນຕະນາການວ່າ ເຮົາບໍ່ໄດ້ໃຊ້ອິນເຕີເນັດມາສາມເດືອນ ກັບມາໃຊ້ ບາດນີ້ ເຮົາຈະຮູ້ໄດ້ແນວໃດວ່າ ໂລກກົມໆໃບນີ້ເຂົາໄປຮອດໃສກັນແລ້ວ??? ຖ້າເປັນຫລາຍປີກ່ອນ ກໍ່ອາດເປັນເລື່ອງທີ່ ລຳບາກພໍສົມຄວນເລີຍ ແຕ່ວ່າ ໃນສະໄຫມນີ້ ມັນຈະມີ 7 ວິທີງ່າຍໆໃນການໃຊ້ຄົ້ນຫາແນວໂນ້ມ ຫລືຄວາມນິຍົມເຫລົ່ານີ້ໄດ້


ໃນ lifehack ແນະນຳວ່າ…

ວິທີທຳອິດ: ສະຖິຕິຈາກ Alexa

Alexa ເປັນເວັບໄຊທ໌ທີ່ເກັບກຳຂໍ້ມູນ ສະຖິຕິການເຂົ້າໃຊ້ງານຂອງເວັບໄຊທ໌ຕ່າງໆຈາກທົ່ວໂລກເອົາໄວ້ ແລະມີການສະແດງສິະຖິຕິເຫລົ່ານັ້ນແບບ Public –ທຸກຄົນສາມາດເຂົ້າເຖິງໄດ້ຕະຫລອດເວລາ– ເຮົາສາມາດເບິ່ງ Traffic ຂອງເວັບສະເພາະໃດຫນຶ່ງໄດ້ ອາດຈະລອງກວດເບິ່ງວ່າ ເວັບໄຊທ໌ ຫລືບລັອກທີ່ເຮົາເຂົ້າປະຈຳນັ້ນ ມີ Traffic ເພີ່ມຂຶ້ນ ຫລືຕົກລົງ ລວມເຖິງການປຽບທຽບກັນລະຫວ່າງເວັບນັ້ນ ກັບເວັບນີ້ ບລັອກນັ້ນກັບບລັອກນີ້ ເພື່ອໃຫ້ເຫັນຄວາມຕ່າງຂອງການເຂົ້າໃຊ້ງານ

Alexa’s Movers & Shakersນອກຈະຂໍ້ມູນໃນສ່ວນຂອງ Traffic ແລ້ວ Alexa ຍັງມີ Movers & Shakers ທີ່ບອກເຖິງ Popularity –ອັນດັບຄວາມນິຍົມ– ຫາກຄລິກເຂົ້າໄປເບິ່ງ ຈະເຫັນວ່າ ມີການຈັດອັນດັບຂອງ ເວັບໄຊທ໌ຕ່າງໆ ຈາກທົ່ວໂລກ ເຊິ່ງໃນຈຸດນີ້ ມັນຊີ້ໃຫ້ເຫັນຄວາມປ່ຽນແປງ ແລະ ການຍ້າຍອັນດັບຕ່າງໆ ທີ່ເກີດຂຶ້ນໃນຊ່ວງເວລາສັ້ນໆ ທີ່ຜ່ານມາ

ຈາກພາບປະກອບ ຈະເຫັນໄດ້ວ່າ ຊ່ວງນີ້ຄົນສ່ວນຫລາຍ ກຳລັງໃຫ້ຄວາມສົນໃຈໄປກັບເລື່ອງ Tennis ເລື່ອງຄົນທີ່ຈະມາເປັນ ປະທານນາທິບໍດີ ຄົນໃຫມ່ຂອງສະຫະຣັດ ເລື່ອງການເມືອງ ເລື່ອງລາງວັນ Oscar ເຫລົ່ານີ້ເປັນຕົ້ນ

ວິທີກວດສອບຈາກ Alexa ເປັນວິທີງ່າຍໆ ວິທີຫນຶ່ງທີ່ຈະຕິດຕາມ ເຖິງຄວາມເຄື່ອນໄຫວໃນໂລກໄຊເບີອັນກວ້າງໃຫຍ່ນີ້ໄດ້

ວິທີທີ່ 2: ໃຊ້ Technorati

TechnoratiTechnorati ເປັນ Blogs Search Engine ທີ່ມີຊື່ສຽງ ແລະເປັນທີ່ນິຍົມຫລາຍແຫ່ງຫນຶ່ງ ເຊິ່ງຫນ້າທີ່ຫລັກໆ ຂອງມັນກໍ່ຄື ການເກັບຂໍ້ມູນກ່ຽວກັບ ສະຖິຕິຂອງບລັອກ ຕ່າງໆ ຈາກທົ່ວທຸກມຸມໂລກເອົາໄວ້ ແລະມີການ ຈຳແນກຂໍ້ມູນ ອອກເປັນຫລາກຫລາຍຮູບແບບ ເພື່ອໃຫ້ງ່າຍຕໍ່ການເຂົ້າເຖິງ

ເຮົາສາມາດກວດສອບ Tags –ຄຳສັ້ນໆ ທີ່ໃຊ້ລະບຸຄວາມຫມາຍ ຄ້າຍໆພວກປ້າຍຊື່– ທີ່ບລັອກເກີຈາກທົ່ວໂລກກຳລັງໃຊ້ອ້າງອີກໄດ້ຈາກຫນ້າ Tag

Top Tags This Hour ຈະບອກເຖິງ Tags ທີ່ມີການອ້າງເຖິງຫລາຍທີ່ສຸດໃນ ຊ່ວງເວລາ 1 ຊົ່ວໂມງທີ່ຜ່ານມາ ແລະ Top 100 Tags from A to Z ຈະບອກເຖິງ 100 Tags ທີ່ມີຄົນອ້າງເຖິງຫລາຍທີ່ສຸດ

Firefoxຂໍ້ມູນຂອງ Tag ຍັງສາມາດເຈາະຈົງເບິ່ງສະເພາະໄດ້ ສົມມຸດ ເຮົາຢາກຮູ້ວ່າ Firefox ນັ້ນ ມີຄົນອ້າງເຖິງ Tag ນີ້ຫລາຍເທົ່າໃດ ມັນກໍ່ຈະບອກໄດ້ວ່າໃນ 30 ມື້ ທີ່ຜ່ານມາ ມີຄົນໃຊ້ Tag ນີ້ຫລາຍເທົາໃດ ໂດຍສະແດງເປັນ Trend Graph ໃຫ້ເບິ່ງ

ແລະນອກຈາກນັ້ນ Technorati ຍັງມີການຈັດອັນດັບຂອງບລັອກຕ່າງໆໄວ້ນຳ ເຊິ່ງຈຸດນີ້ ຈະງ່າຍຕໍ່ການຄົ້ນຫາວ່າ ບລັອກໃດກຳລັງເປັນທີ່ນິຍົມ ໃນຊ່ວງເວລາປະຈຸບັນ

ວິທີທີ່ 3: PageRank!

Google’s PageRank PageRank ເປັນວິທີທີ່ Google ໃຊ້ໃນການຈັດອັນດັບເວັບໄຊທ໌ຕ່າງໆ ຄະແນນເຕັມຂອງ PageRank ຈະມີຮອດ 10, ການທີ່ຍິ່ງມີ PageRank ສູງເທົ່າໃດ ຄຸນຄ່າລາຄາຂອງກໍ່ຈະມັນສູງຂຶ້ນເທົ່ານັ້ນ ແລະມັນຍັງຫມາຍເຖິງວ່າ ເວັບໄຊທ໌ ຫລືບລັອກ ຫລືຫນ້າເວັບໃດຫນຶ່ງ ມັນຈະມີໂອກາດໄປຢູ່ຫນ້າທຳອິດຂອງ ຜົນການຄົ້ນຫາໄດ້ຫລາຍຫນ້ອຍ ກໍ່ຂຶ້ນກັບ PageRank –ເອີ້ນຫຍໍ້ໆວ່າ PR– ນີ້ລ່ະ

PageRank ຈະມີສູງໄດ້ໂດຍສາເຫດຫລັກໆ ມາຈາກ Inbound links ຄືລິ້ງຄ໌ຈາກພາຍນອກ ທີ່ເຂົ້າມາຫາເວັບນັ້ນໆ ຍິ່ງມີລິ້ງຄ໌ເຂົ້າມາຫລາຍເທົ່າໃດ ໂອກາດທີ່ PR ຈະສູງຂຶ້ນກໍ່ມີເທົ່ານັ້ນ –ໂດຍສະເພາະຢ່າງຍິ່ງຫາກວ່າ ເປັນລິ້ງຄ໌ທີ່ມາຈາກເວັບໄຊທ໌ທີ່ມີ PR ສູງໆ ເຊິ່ງເອີ້ນວ່າ ລິ້ງຄ໌ຄຸນນະພາບດີ– ຈຸດນີ້ມັນຈະເປັນການວັດລະດັບຄຸນນະພາບຂອງເວັບນັ້ນໆ ໄດ້ອີກທາງຫນຶ່ງ ເພາະວ່າ ຫາກຫນ້າເວັບ ຫລືຂ່າວໃດຫນຶ່ງມີຄົນນິຍົມຫລາຍ ກໍ່ຈະມີຄົນອ້າງເຖິງຫລາຍ ແລະແນ່ນອນວ່າ ຈະຕ້ອງມີ Inbound links ຫລືລິ້ງຄ໌ຈາກພາຍນອກເຂົ້າມາຫລາຍໄປນຳ

ເຮົາສາມາດກວດສອບ PageRank ໄດ້ຈາກການໃຊ້ GoogleToolbar

Google’s PageRank

Google Toolbar ມີສຳຫລັບທັງ Firefox ແລະ Internet Explorer ໂດຍສາມາດດາວໂຫລດໄດ້ຈາກ ເວັບໄຊທ໌ຂອງ Google ຫລືອາດຈະໃຊ້ບໍລິການກວດສອບ PR ຕ່າງໆໄດ້ເຊັນ PageRank.net ກໍ່ໄດ້ເຊັ່ນກັນ

ວິທີທີ່ 4: ອ່ານ Digg!

DiggDigg ເປັນ Social Bookmarking Site ທີ່ໄດ້ຮັບຄວາມນິຍົມສູງເປັນອັນດັບຕົ້ນໆໃນບັນດາເວັບໄຊທ໌ ທີ່ມີເນື້ອຫາປະເພດດຽວກັນ ໂດຍ Concept ຂອງ Digg ກໍ່ບໍ່ມີຫຍັງຫລາຍ ພຽງແຕ່ເຮົາໄປເຫັນເວັບໄດ້ ບລັອກໃດ ຫລືຂ່າວ ຫລືຮູບໃດ ແລ້ວເກີດມັກ ຊອບໃຈຂຶ້ນມາ ຢາກໃຫ້ຄົນອື່ນໄດ້ຮູ້ນຳ –ຫລືຢາກເກັບໄວ້ເປັນ Bookmark– ເຮົາກໍ່ Submit ເຂົ້າພວກ Social Boomarking Site ພວກນີ້

ເລື່ອງໃດທີ່ຖືກ Submit ຫລືສົ່ງເຂົ້າໄປແລ້ວ ເມື່ອມີຄົນອ່ານເຫັນ ເກີດມັກຂຶ້ນມາ ກໍ່ຈະມີການ Vote ເພີ່ມຄະແນນຄວາມນິຍົມໃຫ້ກັບຂ່າວນັ້ນໆ ແລະເມື່ອຂ່າວໃດຫນຶ່ງໄດ້ຮັບການ Digg ຫລາຍເກີນຈຸດທີ່ຖືກກຳຫນົດໄວ້ແລ້ວ ມັນກໍ່ຈະໄປຂຶ້ນຢູ່ຫນ້າທຳອິດຂອງເວັບ Digg

ແຕ່ວ່າ ນອກຈາກ Digg ແລ້ວກໍ່ຈະມີ del.icio.us, StumbleUpon, Reddit, Furl, Zickr ໆລໆ ທີ່ມີລັກສະນະຄ້າຍໆ ກັນ

ວິທີທີ່ 5: ອ່ານ news aggregators

News Aggresgators ຈະເປັນປະເພດພວກເວັບໄຊທ໌ທີ່ລວມເອົາຫົວຂໍ້ຂ່າວ ທີ່ຫນ້າສົນໃຈມາໃຫ້ອ່ານ ເຊີ່ງກໍ່ມີຫລາຍແຫ່ງທີ່ສາມາດເລືອກໃຊ້ບໍລິການໄດ້ ບົດຄວາມໃນ lifehack ແນະນຳສອງເວັບຄື Google News ແລະ Techmeme

ວິທີນີ້ຈະຄ້າຍໆ ກັບວິທີທີ່ 7 ພຽງແຕ່ວ່າ ໃຊ້ວິທີນີ້ບໍ່ມີຫຍັງຕ້ອງເຮັດຫລາຍ ມີແຕ່ເຂົ້າໄປອ່ານລູກດຽວ ຂ່າວຕ່າງໆ ຈະມີຄົນສັນຫາມາໃຫ້ຫມົດແລ້ວ

ວິທີທີ່ 6: Slashdot

Slashdotບ້ານເຮົາຈັກຊິມີໃຜຮູ້ຈັກກັບ Slashdot ບໍ່… ມັນເປັນເວັບໄຊທ໌ທີ່ມີຫົວຂໍ້ຂ່າວສ່ວນໃຫຍ່ ຈະເປັນກ່ຽວກັບ Technology related ທີ່ຫນ້າສົນໃຈຫລາຍຢ່າງ ແລະມັກຈະມີ Geeks ໄປສິງສະຖິດຢູ່ຫລາຍ ເຮັດໃຫ້ບັນຍາກາດໂດຍລວມ ຄ່ອນຂ້າງຈະ Serious ອຸດົມໄປດ້ວຍວິຕາມິນ ແລະອາຫານສະຫມອງຊັ້ນດີ

ໃນ Slashdot ຜູ້ອ່ານສາມາດສົ່ງເລື່ອງເຂົ້າໄປໄດ້ ແລະຫາກຜ່ານການພິຈາລະນາ ກໍ່ຈະມາຂຶ້ນຫນ້າເວັບຂອງ Slashdot

ຂໍ້ມູນຈາກ Slashdot ໂດຍສ່ວນໃຫຍ່ແລ້ວ ຈະເປັນຂໍ້ມູນທີ່ຢູ່ໃນ Trends ພໍສົມຄວນ

ວິທີທີ່ 7: ໃຊ້ Feed Readers

Feedຫາກສັງເກດ ຈະເຫັນວ່າເວັບໄຊທ໌ ແລະບລັອກຕ່າງໆ ໃນປະຈຸບັນ (ແນ່ນອນວ່າ ຍົກເວັ້ນເວັບໄຊທ໌ລາວທີ່ ຮ້ອຍວັນພັນປີ ຈຶ່ງອັບເດທເທື່ອຫນຶ່ງ –ຂໍຕຳຫນິແດ່ຈັກບາດ 👿 –) ຈະມີສັນຍາລັກສີສົ້ມນີ້ ເພື່ອບົ່ງບອກວ່າເວັບໄຊທ໌ນີ້ໆ ມີຂ່າວໃຫ້ອ່ານຜ່ານ Feed Readers ຕ່າງໆໄດ້ ການໃຊ້ງານໃນສ່ວນນີ້ ມັນຈະສະດວກຢູ່ບ່ອນວ່າ ສາມາດເພີ່ມ Feed (ເຊິ່ງຈະຢູ່ໃນ format ຂອງ RSS ຫລື Atom) ເຂົ້າໄປໃນໂປຣແກຣມ Feed Readers ໄດ້ເທົ່າທີ່ຕ້ອງການ ແລະມັນຈະດຶງສະເພາະຂ່າວມາໃຫ້ເຮົາອ່ານ ຜ່ານໂປຣແກຣມ Reader ທີ່ເຮົາໃຊ້

ໂປຣແກຣມປະເພດທີ່ວ່າຈະມີຊື່ເອີ້ນຫລາຍຊື່ ເຊັ່ນ Agrregator, News Aggregator ແລະ Feed Reader ເປັນຕົ້ນ ຫລືຫາກຈະໃຊ້ບໍລິການຜ່ານເວັບກໍ່ອ່ານຈະໃຊ້ Google Reader, Protopage ຫລື Bloglines ແທນ ແບບຫລັງນີ້ ຈະມີຂໍ້ດີທີ່ເວລາໄປໃຊ້ເນັດບ່ອນໃດ ເຄື່ອງໃດກໍ່ສາມາດອ່ານ Feed ທີ່ເຮົາເລືອກໄວ້ໄດ້ ບໍ່ຈຳກັດວ່າຕ້ອງໃຊ້ຢູ່ແຕ່ເຄື່ອງດຽວເທົ່ານັ້ນ

ການໃຊ້ງານກໍ່ງ່າຍໆ ພຽງແຕ່ໄປຫາເວັບໄຊທ໌ທີ່ມີການອັບເດທຂໍ້ມູນດີໆ ແລ້ວກໍ່ subscribe ເອົາໄວ້ໃນ Feed Reader ຂອງເຮົາ (ປົກກະຕິຈະຄລິກທີ່ໄອຄ່ອນ ສີສົ້ມນີ້ແຫລ່ະ ມັນຈະທຳການ Subscribe ໃຫ້) ເວລາຈະອ່ານຂ່າວກໍ່ອ່ານຜ່ານ Feed Reader ເຊິ່ງສະດວກແລະໄວກວ່າຫລາຍ ຫາກທຽບກັບຕ້ອງເຂົ້າໄປຊອກຂ່າວຈາກເທື່ອລະເວັບ

Source – lifehack.org [via del.icio.us] *Some of images from Wikipedia

ຫລັງໆ ນີ້ບໍ່ຄ່ອຍໄດ້ຂຽນລ່ະ ດັງນັ້ນ ຫາກຈະຂຽນ ກໍ່ຈະຂຽນຍາວໆແດ່ຈັກຫນ່ອຍ 😉 ແຕ່ມັນມີປັນຫາຫນຶ່ງ ຢາກບອກໃຫ້ຮູ້ກ່ອນ ຫລາຍຄົນອາດຈະສັງເກດເຫັນແລ້ວວ່າ ນິນຂຽນຍາວໆໄດ້ບໍ່ດີ ເພາະວ່າເປັນຄົນສະມາທິສັ້ນ ຂຽນໄປແລ້ວມັກລືມປະເດັນຫລັກ :sad: ແຕ່ຈະພະຍາຍາມປັບປຸງໃຫ້ດີຂຶ້ນຕໍ່ໆ ໄປ 😛 ຂໍໃຫ້ມິດຮັກແຟນເພງຢ່າໄດ້ປະຖິ້ມກັນໄປກ່ອນກໍ່ພໍ ➡

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply