ວິທີຈັດການ spam comments ໃນ WordPress ໃຫ້ຢູ່ຫມັດ

ພໍດີໄປອ່ານບົດຄວາມເລື່ອງ Die Spammers! Die! ຂອງ Mr. John Chow ມາ ເພິ່ນເປັນນັກຂຽນບລັອກມືໂປຣ ອີກຄົນຫນຶ່ງເລີຍລ່ະ! ບໍ່ວ່າຈະເປັນແນວທາງການຂຽນ ຫລືແນວຄິດ ໄອເດັຍຕ່າງໆ ຮູ້ສຶກວ່າ ຫນ້າສົນໃຈເປັນພິເສດ ພໍໆ ກັບ Darren Rowse ແຫ່ງ ProBlogger.net ເລີຍ

ຈອນເພິ່ນຂຽນເລື່ອງການຈັດການກັບພວກ spam comments ຕ່າງໆ ທີ່ມັກຈະເຂົ້າມາປະກົດໃນບລັອກເຮົາ ເປັນປະຈຳ ລາວບອກວ່າ ແຮງບລັອກເຮົາດັງເທົ່າໃດ ຄົນເຂົ້າຫລາຍເທົ່າໃດ ກໍ່ແຮງຖືກພວກ spammers ເຂົ້າມາກໍ່ກວນ ເວົ້າໄປເວົ້າມາ ລາວກໍ່ເວົ້າກ່ຽວກັບ Akismet –ເຊິ່ງເປັນຕົວດັກ spam ຍອດນິຍົມ– ລາວວ່າ Akismet ກໍ່ດີ ຫາກວ່າມັນຈັບໄດ້ແຕ່ພວກ spam ຢ່າງດຽວ ແຕ່ມັນພັດວ່າໄປຈັບພວກ comments ປົກກະຕິນຳ ເລີຍສ້າງບັນຫາອີກ ເພາະກາຍເປັນວ່າລາວຕ້ອງເສັຍເວລາໄປຈັດການອີກ ໄປເລືອກວ່າອັນໃດບໍ່ແມ່ນ spam ຖ້າອັນໃດແມ່ນກໍ່ແລ້ວໄປ ແບບນີ້ກໍ່ປານບໍ່ວ່າອີກ ( au8ust.org ກໍ່ເຄີຍພົບບັນຫາຫນ້າລຳຄານໃຈນີ້ຄືກັນ )

ຈອນລາວກໍ່ໃຊ້ຍຸດທະວິທີໃຫມ່ ໃນການຮັບມືກັບພວກ spam comment ໂດຍລາວຂຽນຕໍ່ໄປວ່າພວກ spammers ຈະຮູ້ດີວ່າການສະແດງຄວາມຄິດເຫັນໃນ WordPress ນັ້ນ ຈະຕ້ອງເຮັດຜ່ານໄຟລ໌ wp-comments-post.php ອັນນີ້ຈະຂໍອະທິບາຍເພີ່ມເຕີມຫນ້ອຍຫນຶ່ງ ເລື່ອງຂອງເລື່ອງກໍ່ຄືວ່າ ພວກ spammers ເກືອບຈະທັງຫມົດເຂົາຈະຂຽນໂປຣແກຣມນ້ອຍໆ ຂຶ້ນມາໄວ້ສົ່ງ spam comments ໂດຍສະເພາະ ແລະໃນການຂຽນໂປຣແກຣມທີ່ວ່າ ມັນຈະມີສ່ວນສຳຄັນກໍ່ຄືການບອກວ່າ ຕ້ອງຂຽນໄປໃສ່ໄຟລ໌ໃດ ເຊິ່ງໃນກໍລະນີຂອງ WordPress ກໍ່ຈະເປັນ wp-comments-post.php ຈາກຈຸດນີ້ແຫລ່ະ ທີ່ເຮັດໃຫ້ຈອນຄິດວິທີນີ້ ລາວກໍ່ເລີຍວ່າ ປ່ຽນໄຟລ໌ນີ້ເປັນຊື່ອື່ນກໍ່ແລ້ວກັນ ພວກໂປຣແກຣມມັນມາຊອກໄຟລ໌ wp-comments-post.php ນີ້ບໍ່ເຫັນກໍ່ຈົບເລື່ອງ ເພາະວ່າປ່ຽນເປັນຊື່ອື່ນໄປແລ້ວ :)

ແຕ່ມັນບໍ່ງ່າຍປານນັ້ນ ລາວບອກຫລັງຈາກທີ່ປ່ຽນຊື່ໄຟລ໌ແລ້ວ ກໍ່ຕ້ອງຈັດການໃຫ້ WordPress ຮູ້ຈັກກັບຄວາມປ່ຽນແປງທີ່ເກີດຂຶ້ນກ່ອນ ບໍ່ຊັ້ນຊິກາຍເປັນວ່າ ອ່າວ!!​ wp-comments-post.php ໄປຢູ່ໃສລະວະນີ້ ຮາ.. ຮາ… 😀 ຈຸດນີ້ຈອນລາວແນະນຳໃຫ້ໃຊ້ Threaded Comments Plugins ເພື່ອສະດວກໃນການຈັດການ ດຽວຂໍເອົາພາບຈາກເວັບລາວມາໃຫ້ເບິ່ງ

ໃນພາບຈະເຫັນວ່າ ຫລັງຈາກທີ່ລົງ Plugin ທີ່ວ່າແລ້ວ ກໍ່ໄປທີ່ຫນ້າ Options ຂອງມັນແລ້ວໃສ່ Custom Comments Target ເປັນຊື່ໄຟລ໌ທີ່ເຮົາປ່ຽນ ຈາກນັ້ນກໍ່ກົດ Update ກໍ່ຈົບ ແຕ່ຍັງບໍ່ສິ້ນເທື່ອ ມັນຍັງມີຕໍ່ອີກ

ລາວກໍ່ຂຽນຕໍ່ໄປກ່ຽວກັບເລື່ອງນີ້ວ່າ ຫລັງຈາກທີ່ເຮົາປ່ຽນຊື່ໄຟລ໌ແລ້ວ ແກ້ໃຫ້ WordPress ຮູ້ຈັກກັບໄຟລ໌ໃຫມ່ແລ້ວ ກໍ່ຍັງຕ້ອງເອົາໄຟລ໌ wp-comments-post.php ອັນໃຫມ່ຂຶ້ນໄປແທນອັນເກົ່າ ຢ່າປ່ອຍໃຫ້ມັນວ່າງຢູ່ ເພາະວ່າຫຍັງ? ລາວອະທິບາຍວ່າ ຖ້າມັນວ່າງ ເວລາສະຫາຍ spam bot ທັງຫລາຍເຂົ້າມາ ກໍ່ຈະມາຊອກຫາໄຟລ໌ນີ້ ແລ້ວກໍ່ແຕ່ນແຕ໊ນນນນນ ພົບກັບ 404 file not found ຈຸດນີ້ຈອນເພິ່ນບອກວ່າ ຈະເຮັດໃຫ້ເປືອງແຮງຂອງ Server ເຮົາລ້າໆ ກໍ່ເລີຍໃຫ້ສ້າງໄຟລ໌ຊື່ wp-comments-post.php ແຕ່ທາງໃນບໍ່ມີຫຍັງ ຫລືອາດໃສ່ຂໍ້ຄວາມແບບນີ້ໃສ່ແທນກໍ່ໄດ້ 😛

ຍັງບໍ່ຈົບເທື່ອ ຈອນບອກອີກວິທີຕື່ມ ລາວໃສ່ຫົວຂໍ້ວ່າ Deny Access to No Referer Requests ຫມາຍຄວາມວ່າ ຕັ້ງຄ່າໃຫ້ Server ທີ່ເຮົາໃຊ້ນັ້ນ ປະຕິເສດ access ຫລືການເຂົ້າໃຊ້ງານທີ່ບໍ່ມີ Referer ອອກໄປໃຫ້ຫມົດ ( ເພິ່ນບອກວ່າໄດ້ໄອເດັຍນີ້ມາຈາກ Shoemoney ) ໂດຍໃຫ້ເຫດຜົນວ່າ ເວລາຖ້າຊິມີຄົນມາໂພສສະແດງຄວາມຄິດເຫັນແທ້ໆນັ້ນ ໂດຍປົກກຕິແລ້ວ ຈະຕ້ອງມີ referer ທີ່ລະບຸວ່າມາຈາກບ່ອນໃດໆ ໂດຍໃນກໍລະນີນີ້ມັນກໍ່ຕ້ອງມາຈາກບລັອກຂອງເຮົາແນ່ນອນ ( ຖ້າບໍ່ແມ່ນ ສະແດງວ່າເປັນ spam bot ເພາະວ່າພວກນີ້ຊອກຫາແຕ່ໄຟລ໌ wp-comments-post.php ແລະເຂົ້າຫາໄຟລ໌ນີ້ໂດຍກົງ ເລີຍບໍ່ມີ referer ) ວິທີເຮັດກໍ່ຄື ຕ້ອງແກ້ໄຟລ໌ .htacces ໃນ server ເຮົາກ່ອນ (ຈະຢູ່ທີ່ root tree) ໂດຍໃຫ້ໃສ່ດັ່ງນີ້

RewriteEngine On
RewriteCond %{REQUEST_METHOD} POST
RewriteCond %{REQUEST_URI} .wp-comments-post\.php*
RewriteCond %{HTTP_REFERER} !.*johnchow.com.* [OR]
RewriteCond %{HTTP_USER_AGENT} ^$
RewriteRule (.*) ^http://www.thetechzone.com/$ [R=301,L]

ລາວບອກວ່າ ຖ້າເຮົາມີການປ່ຽນແປງຊື່ໄຟລ໌ wp-comments-post\.php ກໍ່ໃຫ້ປ່ຽນຢູ່ບ່ອນນີ້ພ້ອມ ແລ້ວກໍ່ແຖວທີ່ 4 ບ່ອນ !.*johnchow.com.* ໃຫ້ປ່ຽນເປັນຊື່ເວັບເຮົາ ເຊັ່ນ !.*au8ust.org.* ເປັນຕົ້ນລ່ະ ຈາກນັ້ນ ແຖວສຸດທ້າຍ ອັນນີ້ລາວບອກວ່າບໍ່ປ່ຽນກໍ່ໄດ້ ເພາະວ່າບໍ່ມີຜົນກັບສະຫາຍ spam bot ເຮົາ

ສ່ວນວິທີສຸດທ້າຍກໍ່ຄື ຈອນແນະນຳໃຫ້ໃຊ້ ຄຳຖາມ ໃນການຖາມຄົນທີ່ຈະມາສະແດງຄວາມຄິດເຫັນ (​ວິທີນີ້ au8ust.org ກໍ່ເຄີຍໃຊ້ ໃຊ້ຢູ່ປະມານ 15 ນາທີແລ້ວກໍ່ເອົາອອກ 555+ ດຽວຊິເອົາມາລອງໃສ່ໃຫມ່ເບິ່ງ ) ວິທີນີ້ກໍ່ມີຫລັກການງ່າຍໆ ຄື ແທນທີ່ເຮົາຊິໃຫ້ຄົນທີ່ຕ້ອງການສະແດງຄວາມຄິດເຫັນພິມ captcha code ເຮົາກໍ່ປ່ຽນມາເປັນວ່າ ໃຫ້ຕອບຄຳຖາມງ່າຍໆ ເຊັ່ນບວກເລກ 10+78 ອອກເທົ່າໃດ ແມ່ນຫຍັງທຳນອງນີ້ ^o^ ຫລືບໍ່ກໍ່ອາດຈະຖາມວ່າ ເວັບ au8ust.org ໃຜເປັນຄົນສ້າງ!?? ຮາ.. ຮາ…

ຫມົດລ່ະ O_O ທຳອິດວ່າຊິຂຽນສັ້ນໆ ແຕ່ຂຽນໄປຂຽນມາເລີຍຍາວເລີຍ ເພາະວ່າ ຂຽນຫນ້ອຍໆ ຢ້ານຊິບໍ່ເຂົ້າໃຈ ເລີຍຂຽນລັກສະນະວ່າຟັງຈາກຄົນອື່ນ ແລ້ວມາເລົ່າໃຫມ່ສູ່ກັນຟັງ :) ຫວັງວ່າຊິບໍ່ມີໃຜເຂົ້າໃຈຜິດວ່າຂ້າພະເຈົ້າໄປລັກເອົາ credit ເຂົາມາເນາະ 55+

ແປ/ຮຽບຮຽງ ( ແລະໃສ່ຄວາມຄິດເຫັນພ້ອມຄຳອະທິບາຍ ) ໂດຍໃຊ້ຂໍ້ມູນຈາກ JohnChow.com

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

2 thoughts on “ວິທີຈັດການ spam comments ໃນ WordPress ໃຫ້ຢູ່ຫມັດ”

  1. เป็น tips ที่เข้าท่ามากครับ

    โดยส่วนตัวผมว่าวิธีเปลี่ยนชื่อไฟล์ แล้วลง plugin เพิ่ม น่าจะเวิร์กสุดแล้ว ไม่ลำบากคนอ่านด้วย :) , วิธีเช็ค referrer ก็กันไม่ได้ 100% อยู่ดี ส่วน CAPTCHA เหตุผลง่ายๆ คือ ขี้เกียจพิมพ์ 😛

Leave a Reply