Google Pack 2.0.710.26346.beta

Google Pack ເປັນຊຸດລວມໂປຣແກຣມຍອດນິຍົມຕ່າງໆ ຄື​ (ຍາວແດ່ຈັກຫນ່ອຍ)
Google Earth ໂປຣແກຣມເບີ່ງແຜນທີ່ດາວທຽມທົ່ວໂລກ ແຕ່ປະເທດລາວຍັງມົວໆ ຢູ່ ໄວ້ມື້ຫນ້າຄືຊິດີຂຶ້ນ
Google Desktop ໂປຣແກຣມປະເພດ Desktop Search ກໍ່ຄື ຄົ້ນຫາຂໍ້ມູນໃນເຄື່ອງ ບໍ່ວ່າຈະເປັນພາບ ສຽງ ວິດີໂອ ເອກກະສານ Doc, PDF, XLS ແລະອື່ນໆ ໂດຍໂປຣແກຣມຈະສ້າງ Index ຂອງໄຟລ໌ທີ່ມີໃນເຄື່ອງກ່ອນ ຈາກນັ້ນເມື່ອຜູ້ໃຊ້ທຳການຄົ້ນຫາ ມັນກໍ່ຈະເປີດ Web Browser ຂຶ້ນມາສະແດງຜົນການຄົ້ນຫາ ຄືແບບໃນ Google.com ເລີຍ ພຽງແຕ່ເປັນການຄົ້ນຫາຈາກເຄື່ອງໂຕເອງ ເຄີຍໃຊ້ແລ້ວ ມີປະໂຫຍດຫລາຍ ໂດຍສະເພາະຫາກມີໄຟລ໌ໃນເຄື່ອງຫລາຍໆ ແບບນີ້ເຫມາະຫລາຍ
Picasa ເປັນໂປຣແກຣມເບີ່ງຮູບພາບ ເຄີຍນຳສະເຫນີໄປແລ້ວຄັ້ງຫນຶ່ງ ລອງກັບໄປອ່ານຖ້າສົນໃຈ
Google Toolbar for Internet Explorer ກໍ່ເປັນ Toolbar ສຳຫລັບ Internet Explorer ຊ່ວຍໃຫ້ສາມາດໃຊ້ບໍລິການຕ່າງໆ ຂອງ Google ໄດ້ງ່າຍຂຶ້ນ
Google Pack Screensaver ເປັນພວກ Screensaver ຫລືໂປຣແກຣມພາບພັກຫນ້າຈໍຕາມຊື່ ບໍ່ຮູ້ມີຫຍັງພິເສດແຕກຕ່າງຈາກ Screensaver ອື່ນ ຍັງບໍ່ເຄີຍໃຊ້
Google Talk ອັນນີ້ຂາ chat ຄືຊິຮູ້ດີ ມັນເປັນໂປຣແກຣມປະເພດ Instant Message ໃຊ້ຮັບສົ່ງຂໍ້ຄວາມ ສົນທະນາກັນ ແຕ່ກ່ອນຕ້ອງໃຊ້ເມລຂອງ Gmail ແຕ່ດຽວນີ້ເມລໃດກໍ່ຫລິ້ນໄດ້ຫມົດ
Google Video Player ອັນນີ້ເຄີຍໄດ້ຍິນ ແຕ່ບໍ່ເຄີຍໃຊ້ ຮູ້ແຕ່ວ່າໃຊ້ເປີດໄຟລ໌ວິດີໂອ (ຫລືບໍ່ເນາະ? ໕໕໕)
Skype ໂປຣແກຣມສົນທະນາຄືກັນ ໂທລົມກັນເລີຍ ພິມກໍ່ໄດ້ ເວົ້າກໍ່ໄດ້ ໂທເຂົ້າເບີບ້ານ ເບີມືຖືກໍ່ໄດ້ ແຕ່ເສຍເງິນ ຖ້າໂທຫາຄອມນຳກັນ ບໍ່ເສຍ
Mozilla Firefox with Google Toolbar ອັນນີ້ເປັນໂປຣແກຣມທ່ອງເວັບ Firefox ທີ່ຕິດ Google Toolbar ມາພ້ອມ
ສຳຫລັບ Ad-Aware SE Personal ມັນເປັນໂປຣແກຣມຈັດການກັບພວກ Trojans, Spyware, Malware ທັງຫລາຍ
Norton AntiVirus 2005 Special Edition ໂປຣແກຣມປ້ອງກັນໄວຣັສ (ຖ້າຊິໃຊ້ໂຕນີ້ ໃຊ້ AVS ດີກວ່າ ເຊື່ອຂ້າພະເຈົ້າ)
Adobe Reader 7 ໃຊ້ເປີດໄຟລ໌ PDF, ພວກ e-books
RealPlayer ໃຊ້ເບີ່ງຫນັງ ຟັງເພງ ຟັງວິທະຍຸອອນໄລນ໌ ພິເສດຢູ່ບ່ອນວ່າ ມັນໃຊ້ເປີດໄຟລ໌ Real Media ໂດຍສະເພາະ
ແລະສຸດທ້າຍ GalleryPlayer HD Images ອັນນີ້ບໍ່ຮູ້ຈັກ ໃຜຮູ້ແລ້ວບອກແດ່ (ອ່າວ..!!?) ໄດ້ຍິນວ່າໃຊ້ກ່ຽວກັບ HD Images (High-Definition Images)
ນັບໄດ້ ໑໔ ໂປຣແກຣມ ອ່ານແລ້ວມັນຈັ່ງແມ່ນຫລາຍອັນແທ້… ບໍ່ຕ້ອງຫ່ວງ ເຮົາສາມາດເລືອກໄດ້ວ່າຊິລົງສະເພາະອັນທີ່ຕ້ອງການ ຫລືລົງທັງຫມົດໄດ້

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply