“ກ້ານກ້ວຍ ດິ ເອດເວັນເຈີ” ເກມໃຫມ່ຂອງເພື່ອນບ້ານເຮົາ

ມື້ວານນີ້ (ວັນທີ່ ໑໓) ທາງຝັ່ງໄທເຂົາເປີດຕົວເກມໃຫມ່ຂອງຄ່າຍ Game No Limit ເຊີ່ງເປັນເກມທີ່ສອງຖັດຈາກ ໂທນີ່ ຈາ ຕົ້ມຍຳກຸ້ງ, ຄິດວ່າຢູ່ຝັ່ງເຮົາຄືຊິມີຄົນເຄີຍຫລິ້ນ ຫລືໄດ້ຍິນຊື່ຜ່ານຫູແດ່ແລ້ວກັບຕົ້ມຍຳກຸ້ງ ຫລືອາດຈະເຄີຍເບີ່ງຫນັງເປັນຢ່າງນ້ອຍ. ສຳຫລັບ “ກ້ານກ້ວຍ” ກໍ່ເປັນເກມຈາກຫນັງ 3D Animation ທີ່ທາງເກມໂນລິມິດຮ່ວມມືກັບບໍລິສັດ “ກັນຕະນາ” ເຈົ້າຂອງຫນັງ ແລະ “ອັສຊຸສ” ບໍລິສັດຜະລິດເມນບອຣ໌ດ ແລະກາຣ໌ດຈໍຂອງໄຕ້ຫວັນ. ໄດ້ຍິນວ່າເກມນີ້ຈະດຳເນີນໄປຕາມເນື້ອເລື່ອງໃນຫນັງທຸກຢ່າງ ແລ້ວກໍ່ສຳຫລັບເອັນຈິ້ນທີ່ໃຊ້ພັດທະນາເກມກໍ່ປ່ຽນມາໃຊ້ GameBryo ຂອງບໍລິສັດ Emergent ຈາກເມກາ (ກ່ອນຫນ້ານີ້ທາງເກມໂນລິມິດເຂົາເຄີຍໃຊ້ DarkBasic ພັດທະນາເກມຕົ້ມຍຳກຸ້ງ)

ເກມອອກຈະສັ້ນຢູ່ແດ່ຈັກຫນ່ອຍ ທາງຜູ້ພັດທະນາເພິ່ນບອກວ່າ ເກມຈະມີຢູ່ ໖ ສາກ, ສອງສາກທຳອິດຈະຫລິ້ນກ້ານກ້ວຍຕອນເປັນເດັກ ແລະທີ່ເຫລືອແມ່ນຫລິ້ນຕອນໃຫຍ່

ກໍ່ຕ້ອງຖ້າເບີ່ງວ່າເກມນີ້ຊິເປັນແນວໃດຕອນອອກມາ

ພາບພາຍໃນເກມ

ບ້ານເຮົາຄືຊິອີກດົນກວ່າຊິມີຄົນມາຈັບເລື່ອງ Game Development

ທີ່ມາ – Manager Online