Google Reader ປະກາດກຽມປິດບໍລິການ
ບໍລິການ Google Reader ເປັນນຶ່ງໃນບັນດາບໍລິການທັງຫຼາຍຂອງ Google ທີ່ມີມາໃຫ້ໃຊ້ດົນແລ້ວ ໂດຍໂຕ Reader ແມ່ນມີອາຍຸໄດ້ 7 ປີ ແລະກໍເປັນ 7 ປີທີ່ມີຜູ່ຊົມໃຊ້ສູງ ແຕ່ຕໍ່ມາເມື່ອໝົດຍຸກຂອງ Web 2.0 ອັດຕາການຊົມໃຊ້ RSS reader ກໍຕ່າງຕົກຕ່ຳລົງຫຼາຍ ຈົນໃນທີ່ສຸດ ຫຼາຍໆ ບໍລິການກໍຕ້ອງປິດໂຕລົງໄປ ບໍ່ເວັ້ນແມ່ນແຕ່ Reader ຈາກ Google.
ປະກາດນີ້ຖືກແຈ້ງອອກມາຈາກ Google ແລະມີກຳນົດປິດຖາວອນພາຍໃນອີກ 3 ເດືອນ ເຊິ່ງກໍຄືວັນທີ 1 ເດືອນ 6 ທີ່ຈະມາເຖິງ ໂດຍທາງ Google ແນະນຳໃຫ້ດາວໂຫລດຂໍ້ມູນອອກຈາກ Takeout ແລະຊອກບໍລິການ RSS reader ໃໝ່ທີ່ຕ້ອງການແທນ.
ຫຼັງຈາກທີ່ VLC ໂປຣແກຣມເບິ່ງໜັງຍອດນິຍົມຢູ່ກັບເວີຊັນ 1.x ມາເປັນເວລາຫຼາຍປີ ໃນທີ່ສຸດທາງທີມງານພັດທະນາ ກໍໄດ້ປ່ອຍເວີຊັນໃໝ່ຫລ້າສຸດໃນສາຍ 2.x ອອກມາແລ້ວ ໂດຍໃນເວີຊັນ 2.0 ນີ້ມີລະຫັດພັດທະນາວ່າ Twoflower ເຊິ່ງກໍມີຄວາມສາມາດໃໝ່ໆ ຕິດພ່ວງມານຳເຊັ່ນ ການປະມວນຜົນດ້ວຍ multi-core ທີ່ດີຂຶ້ນ, ຮອງຮັບ GPU ດີຂຶ້ນກວ່າເກົ່າ ແລະຄວາມສາມາດ ໃນການເປີດໄຟລ໌ຫຼາກຫຼາຍຮູບແບບ ຮວມເຖິງໄຟລ໌ວິດີໂອລະດັບ 10bits ອີກນຳ.
